Қош келдіңіздер!

КМҚК «№115 бөбекжай-балабақшасында» Наурыз мейрамы кең көлемде аталып өтті. Мерекелік іс-шара барысында балалар ұлттық нақыштағы әндер айтып, билер билеп, тақпақтар орындады. Сонымен қатар, ата-аналар белсенді қатысып, өз өнерлерін көрсетіп, мерекенің көркін қыздырды.

КМҚК «№115 бөбекжай-балабақшасында» балалардың қауіпсіздігін қамтамасыз ету мақсатында жер сілкінісі мен өрт жағдайларына байланысты оқу-жаттығу жұмыстары өткізілді.

КМҚК «№115 бөбекжай-балабақшасында» «Ойын арқылы баланың сөйлеу және эмоциясын дамыту» тақырыбында аудандық семинар-практикум өткізілді. Семинар-практикумның мақсаты – мектепке дейінгі ұйымдарда ойын технологиялары арқылы балалардың сөйлеу тілін дамыту, эмоционалдық жағдайын реттеу және педагогтердің кәсіби тәжірибе алмасуын қамтамасыз ету болды.

КМҚК «№115 бөбекжай-балабақшасында» 8 наурыз мерекесіне орай барлық топтарда мерекелік ертеңгіліктер жоғары деңгейде ұйымдастырылып, өткізілді. Іс-шараның негізгі мақсаты – балаларға аналарға, әжелерге деген құрмет пен сүйіспеншілікті қалыптастыру, отбасы құндылықтарын дәріптеу, сондай-ақ балалардың шығармашылық қабілеттерін дамыту болды.

КМҚК «№115 бөбекжай-балабақшасында» жаңа робототехника кабинеті ашылды. Аталған кабинет балалардың заманауи технологияларға қызығушылығын арттыру, логикалық ойлауын дамыту және шығармашылық қабілеттерін жетілдіру мақсатында жабдықталды. Робототехника кабинеті арнайы құрал-жабдықтармен қамтамасыз етіліп, балаларға қарапайым бағдарламалау элементтері мен құрастыру дағдыларын меңгеруге мүмкіндік береді.

2025-2026 оқу жылында балабақшамыздағы жас мамандар бірнеше аудандық байқауларға қатысып, жоғары деңгейлі жетістіктерге ие болды.

🎄 Жаңа жыл ертеңгіліктері өтті КМҚК «№115 бөбекжай-балабақшасында» Жаңа жыл мерекесіне орай барлық топтарда дәстүрлі Жаңа жыл ертеңгіліктері ұйымдастырылып өтті. Мерекелік шара барысында балалар ән айтып, би билеп, тақпақтарын мәнерлеп айтып, қызықты ойындар мен көріністерге белсенді қатысты. Ертеңгіліктерде Аяз ата мен Ақшақар келіп, балаларға көтеріңкі көңіл-күй сыйлап, тәтті сыйлықтар табыстады.

КМҚК «№115 бөбекжай-балабақшасында» балалардың экологиялық мәдениетін қалыптастыру мақсатында «Табиғатты аялайық!» тақырыбында шығармашылық іс-шара ұйымдастырылды. Іс-шара барысында тәрбиеленушілер 6 топқа бөлініп, табиғатты қорғауға бағытталған мазмұнды плакаттар әзірледі. Плакаттарда қоршаған ортаны таза ұстау, қоқысты сұрыптау, суды үнемдеу, ағаш отырғызу және жануарларға қамқорлық көрсету сияқты маңызды тақырыптар көрініс тапты.

КМҚК "№115 бөбекжай-балабақшасында" орта және ересек топтардың қатысуымен «Қолшатырлар шеруі» атты шығармашылық көрме өткізілді. Іс-шараның мақсаты – балалардың эстетикалық талғамын дамыту, ата-аналармен бірлесе шығармашылық қабілеттерін арттыру, қиял мен ойлау қабілетін жетілдіру болды.

КМҚК "№115 бөбекжай-балабақшасында"  «Күзгі асар» жәрмеңкесі көңілді әрі қызықты форматта өтті. Мақсаты – балалар мен ата-аналарды ортақ іске жұмылдыру, еңбек пен бірліктің маңызын ұғындыру және күзгі молшылықтың берекесін сезіндіру болды. Балабақшаның ауласында ұйымдастырылған жәрмеңке алаңында әр топ өздерінің ерекше безендірілген үстелдерін ұсынды. Онда балалар мен ата-аналардың бірлесе дайындаған жемістер, көкөністер, тосаптар, бәліштер, ұлттық тағамдар мен қолөнер бұйымдары қойылды.