КМҚК "№115 бөбекжай-балабақшасында" №1 ата-аналар жиналысы өтті
Жаңа оқу жылының басталуына орай КМҚК "№115 бөбекжай-балабақшасының" барлық топтарында №1 ата-аналар жиналысы ұйымдастырылып өтті.
Жиналыстың мақсаты – ата-аналарды 2025–2026 оқу жылына арналған жоспарлармен, жаңартылған білім беру бағдарламаларымен және балабақшадағы тәрбие-білім беру процесінің ерекшеліктерімен таныстыру болды.
Әр топтың тәрбиешілері ата-аналарға оқу іс-әрекеттерінің мазмұнын, күн тәртібін, балалардың дамуына қойылатын негізгі талаптарды және ата-анамен бірлескен жұмыстың маңыздылығын түсіндірді.
Сонымен қатар, жиналыс барысында:
Балалардың қауіпсіздігі мен денсаулығын сақтау шаралары;
Тәртіп пен мәдени мінез-құлық дағдыларын қалыптастыру;
Топ бөлмелерінің санитарлық жағдайы мен жаңа оқу ортасын ұйымдастыру мәселелері қаралды.
Ата-аналар өз сұрақтарын қойып, пікірлерін білдірді, сондай-ақ жаңа оқу жылына байланысты ұсыныстар айтты.
Жиналыс соңында ата-аналар мен педагогтар бірлесе жұмыс істеу, баланың жеке дамуына қолдау көрсету және жағымды қарым-қатынас орнату жөнінде ортақ келісімге келді.
