Аудандық семинар-практикум өтті

КМҚК «№115 бөбекжай-балабақшасында» «Ойын арқылы баланың сөйлеу және эмоциясын дамыту» тақырыбында аудандық семинар-практикум өткізілді.

Семинар-практикумның мақсаты – мектепке дейінгі ұйымдарда ойын технологиялары арқылы балалардың сөйлеу тілін дамыту, эмоционалдық жағдайын реттеу және педагогтердің кәсіби тәжірибе алмасуын қамтамасыз ету болды.

Аталған іс-шараға аудан көлеміндегі 19 балабақшадан әдіскерлер, логопед мамандар және педагог-психологтар қатысып, өзара тәжірибе алмасты. Семинар барысында ұйымдастырылған оқу іс-әрекеттері, шеберлік сағаттары және тәжірибелік жұмыстар көрсетілді. Қатысушылар ойын арқылы сөйлеуді дамыту, эмоцияларды басқару, балалармен тиімді қарым-қатынас орнату бойынша заманауи әдіс-тәсілдермен танысты.

Практикалық бөлімде қатысушылар түрлі ойын түрлерін орындап, олардың балалардың тілдік және эмоционалдық дамуына әсерін тәжірибе жүзінде көрді. Сонымен қатар, пікір алмасу алаңы ұйымдастырылып, мамандар өз ойларымен бөлісіп, ұсыныстарын білдірді.

Жалпы алғанда, семинар-практикум жоғары деңгейде ұйымдастырылып, қатысушылар үшін пайдалы әрі мазмұнды өтті. Қойылған мақсаттар толық орындалып, педагогтердің кәсіби құзыреттілігін арттыруға оң ықпал етті.