Оқу-жаттығу өтті
КМҚК «№115 бөбекжай-балабақшасында» балалардың қауіпсіздігін қамтамасыз ету мақсатында жер сілкінісі мен өрт жағдайларына байланысты оқу-жаттығу жұмыстары өткізілді.
Оқу-жаттығу барысында төтенше жағдай кезінде дұрыс әрекет ету жолдары түсіндіріліп, балалар мен қызметкерлерге эвакуациялау тәртібі көрсетілді. Жер сілкінісі кезінде қауіпсіз орындарды таңдау, өз-өзін қорғау ережелері үйретілді. Ал өрт жағдайында ғимараттан жылдам әрі тәртіппен шығу, қауіпсіздік талаптарын сақтау бойынша тәжірибелік жаттығулар жүргізілді.
Тәрбиешілер балаларға түсінікті тілде нұсқаулық беріп, оқу іс-әрекеті ойын түрінде ұйымдастырылды. Жаттығу барысында балалар белсенділік танытып, берілген тапсырмаларды дұрыс орындауға тырысты.
Жалпы алғанда, өткізілген оқу-жаттығу жұмыстары өз деңгейінде өтіп, балалар мен қызметкерлердің қауіпсіздік дағдыларын қалыптастыруға оң әсерін тигізді.
