КМҚК «№115 бөбекжай-балабақшасында» балалардың қауіпсіздігін қамтамасыз ету мақсатында жер сілкінісі мен өрт жағдайларына байланысты оқу-жаттығу жұмыстары өткізілді.

КМҚК «№115 бөбекжай-балабақшасында» «Ойын арқылы баланың сөйлеу және эмоциясын дамыту» тақырыбында аудандық семинар-практикум өткізілді. Семинар-практикумның мақсаты – мектепке дейінгі ұйымдарда ойын технологиялары арқылы балалардың сөйлеу тілін дамыту, эмоционалдық жағдайын реттеу және педагогтердің кәсіби тәжірибе алмасуын қамтамасыз ету болды.

КМҚК «№115 бөбекжай-балабақшасында» жаңа робототехника кабинеті ашылды. Аталған кабинет балалардың заманауи технологияларға қызығушылығын арттыру, логикалық ойлауын дамыту және шығармашылық қабілеттерін жетілдіру мақсатында жабдықталды. Робототехника кабинеті арнайы құрал-жабдықтармен қамтамасыз етіліп, балаларға қарапайым бағдарламалау элементтері мен құрастыру дағдыларын меңгеруге мүмкіндік береді.

2025-2026 оқу жылында балабақшамыздағы жас мамандар бірнеше аудандық байқауларға қатысып, жоғары деңгейлі жетістіктерге ие болды.

КМҚК "№115 бөбекжай-балабақшасында"  «Күзгі асар» жәрмеңкесі көңілді әрі қызықты форматта өтті. Мақсаты – балалар мен ата-аналарды ортақ іске жұмылдыру, еңбек пен бірліктің маңызын ұғындыру және күзгі молшылықтың берекесін сезіндіру болды. Балабақшаның ауласында ұйымдастырылған жәрмеңке алаңында әр топ өздерінің ерекше безендірілген үстелдерін ұсынды. Онда балалар мен ата-аналардың бірлесе дайындаған жемістер, көкөністер, тосаптар, бәліштер, ұлттық тағамдар мен қолөнер бұйымдары қойылды.

КМҚК "№115 бөбекжай-балабақшасында" Тілдер күні мерекесі жоғары деңгейде ұйымдастырылып өтті. Іс-шараның басты мақсаты – бүлдіршіндерге ана тілін қадірлеу, мемлекеттік тілге деген сүйіспеншілікті арттыру және түрлі ұлт өкілдері арасындағы достық пен татулықты нығайту болды. Мерекелік шара барысында балалар қазақ, орыс және ағылшын тілдерінде тақпақтар айтып, ән шырқап, би биледі. Әр топ өз өнерін көрсетіп, көпшілікке көтеріңкі көңіл-күй сыйлады.

Бөбекжай-балабақшамыздың мектепалды "Бәйтерек" және "Сұңқар" топтары балабақшамен қоштасу іс-шарасын өткізді. Қоштасу кешінде балалар мен ата-аналар балабақша қызметкерлеріне алғысын білдіріп, алғыстарын айтты. Мектепке басқан қадамдары оңынана болып, үлгілі оқушы болсын!

       КМҚК  «№ 115 бөбекжай-балабақшасында»  22.05.2025 жылы  жоспарға сай қалалық деңгейде  «Балабақша және спорт» жобасы аясында семинар өтті. Қалалық семинарға   мектепке дейінгі ұйымның дене тәрбиесі нұсқаушылары  мен тәрбиешілер, ата-аналар қатысты.    Ұйымдастырылған іс –шара мақсаты:  мектепке дейінгі ұйымдарға  Малайзия, Қытай, Польша, Германия елдерінің әдіс-тәсілдерін  тиімді енгізу мен қолдану, мектеп жасына дейінгі балалардың   физикалық белсенділіктерін дамыту.

Мамыр айының 6-сы күні ауданымыздың педагогтеріне арналған "Таза ауадағы ойындар" тақырыбында WORKSHOP өтті. Мақсаты: шетел тағылымдамасы бойынша мектепке дейінгі педагогтерге балалардың қимыл белсенділіктерін дамытуға арналаған  іс-тәжірибе тарату. Іс-шараға ауданымыздан 20 педагог қатысып, ұіә тамашалады, әр түрлі тапсырмалар орындап, алғыстарын білдірді. 

Республикалық "Шебер әке, өнерлі ана, еңбекқор бала" конкурсының аудандық кезеңіне қатысып, жүлделі 1 орынды "Күншуақ" орта топ тәрбиеленушісі сайын Айлин мен анасы Аульбекова Асель жеңіп алды. Құтты болсын!