Наурыз мейрамы атап өтілді

КМҚК «№115 бөбекжай-балабақшасында» Наурыз мейрамы кең көлемде аталып өтті.

Мерекелік іс-шара барысында балалар ұлттық нақыштағы әндер айтып, билер билеп, тақпақтар орындады. Сонымен қатар, ата-аналар белсенді қатысып, өз өнерлерін көрсетіп, мерекенің көркін қыздырды.

Іс-шара аясында ұлттық ойындар ұйымдастырылып, ата-аналар мен балалар түрлі жарыстарға қатысып, өзара бақ сынасты. Қазақ халқының салт-дәстүрлері кеңінен насихатталып, көріністер арқылы көрсетілді.

Мерекенің ерекше тұсы – топтар «ауылдар» болып бөлініп, әр ауылға атау беріліп, ұлттық дәстүрге сай безендірілді. Бұл балалардың қызығушылығын арттырып, мерекелік көңіл-күйді одан әрі жандандыра түсті.

Жалпы алғанда, Наурыз мерекесі жоғары деңгейде ұйымдастырылып, қатысушыларға ерекше әсер сыйлап, ұлттық құндылықтарды дәріптеуге зор ықпал етті.