🌿 «Табиғатты аялайық!» тақырыбындағы плакаттар көрмесі

КМҚК «№115 бөбекжай-балабақшасында» балалардың экологиялық мәдениетін қалыптастыру мақсатында «Табиғатты аялайық!» тақырыбында шығармашылық іс-шара ұйымдастырылды.

Іс-шара барысында тәрбиеленушілер 6 топқа бөлініп, табиғатты қорғауға бағытталған мазмұнды плакаттар әзірледі. Плакаттарда қоршаған ортаны таза ұстау, қоқысты сұрыптау, суды үнемдеу, ағаш отырғызу және жануарларға қамқорлық көрсету сияқты маңызды тақырыптар көрініс тапты.

Балалар өз жұмыстарын қорғап, табиғатты аялаудың маңызын түсіндіріп, қоршаған ортаға жанашырлықпен қарауға шақырды. Шығармашылық жұмыс балалардың ой-өрісін кеңейтіп, табиғатқа сүйіспеншілік пен жауапкершілік сезімін арттыруға ықпал етті.

Осындай экологиялық бағыттағы іс-шаралар алдағы уақытта да жалғасын табады.