Робототехника кабинеті ашылды
КМҚК «№115 бөбекжай-балабақшасында» жаңа робототехника кабинеті ашылды.
Аталған кабинет балалардың заманауи технологияларға қызығушылығын арттыру, логикалық ойлауын дамыту және шығармашылық қабілеттерін жетілдіру мақсатында жабдықталды. Робототехника кабинеті арнайы құрал-жабдықтармен қамтамасыз етіліп, балаларға қарапайым бағдарламалау элементтері мен құрастыру дағдыларын меңгеруге мүмкіндік береді.
Сабақ барысында тәрбиеленушілер робот құрастыру, оларды басқару, түрлі тапсырмаларды орындау арқылы өз білімдерін тәжірибе жүзінде қолданады. Бұл өз кезегінде балалардың танымдық белсенділігін арттырып, инженерлік ойлау қабілеттерін дамытады.
Жаңа кабинеттің ашылуы – балабақшадағы білім беру сапасын арттыруға бағытталған маңызды қадам болып табылады. Сонымен қатар, бұл балаларды болашақ цифрлық әлемге бейімдеуге үлкен мүмкіндік береді.
