👩‍🏫 Ашық ұйымдастырылған іс-әрекеттер өтті

КМҚК «№115 бөбекжай-балабақшасында» педагогтердің кәсіби шеберлігін арттыру және тәжірибе алмасу мақсатында ашық ұйымдастырылған іс-әрекеттер өткізілді.

Іс-шара барысында балабақшаның барлық топтары өздерінің жоспарланған оқу іс-әрекеттерін жоғары деңгейде ұйымдастырып, заманауи әдіс-тәсілдерді тиімді қолдана білді. Ашық сабақтарда балалардың жас ерекшелігі ескеріліп, ойын технологиялары, көрнекіліктер, сергіту сәттері және шығармашылық тапсырмалар кеңінен қолданылды.

Педагогтер бір-бірінің жұмысын бақылап, ұйымдастырудың тиімді жолдарын талқылап, оқу процесіндегі жаңа идеялар мен тәжірибелік ұсыныстармен бөлісті. Ашық іс-әрекеттер ұжымдағы кәсіби ынтымақтастықты нығайтып, педагогтердің әдістемелік қоржынын толықтыруға үлкен мүмкіндік берді.

Осындай іс-шаралар алдағы уақытта да жүйелі түрде ұйымдастырылып, балабақшадағы білім беру сапасын арттыруға өз үлесін қоса береді.