Университетпен байланыс

ЖенПУ базасында «Университет пен мектеп: сенімді серіктес» тақырыбында AI ПЕДАГОГИКА бағыты бойынша конференция өткізілді.

Аталған конференцияға КМҚК «№115 бөбекжай-балабақшасының» әдіскері Адильханова А.Б. қатысып, сессиялық бағыт аясында спикер ретінде баяндама жасады.

Баяндама тақырыбы: «Балабақша және спорт: таза ауадағы ойындар». Баяндамашы мектепке дейінгі ұйымдарда балалардың денсаулығын нығайту, қимыл-қозғалыс белсенділігін арттыру мақсатында таза ауада ұйымдастырылатын ойын түрлері мен тиімді әдіс-тәсілдерді таныстырды. Сонымен қатар, ұсынылған тәжірибелер балалардың физикалық, сөйлеу және әлеуметтік-эмоционалдық дамуына оң әсер ететіні атап өтілді.

Сессия барысында қатысушылар тарапынан қызығушылық жоғары болып, пікір алмасу ұйымдастырылды. Ұсынылған тәжірибе мен әдістемелік материалдар жоғары бағаланды.

Жалпы алғанда, конференция жоғары деңгейде өтіп, білім беру ұйымдары арасындағы ынтымақтастықты нығайтуға және педагогтердің кәсіби құзыреттілігін арттыруға ықпал етті.