№2 педагогикалық кеңес өтті

Бүгінгі педагогикалық кеңесте балаларға жайлы әрі қауіпсіз орта құру тақырыбында маңызды баяндамалар тыңдалды. Сондай-ақ, заттық дамытушы ортаға арналған көрме ұйымдастырылып, коммуникативті, экологиялық, шығармашылық, танымдық және физикалық ойындар дайындалды. Кеңеске қатысушылар бұл іс-шара арқылы балалардың дамуына қолайлы жағдай жасау туралы көптеген жаңа идеялармен танысты. Сонымен қатар қазан айында меңгеруші Естенова А.С. Малайзия мен Қытай елдеріне, әдіскер Адильханова А.Б. Польша мен Германия елдеріне іс-сапарға барып, тағылымдаман өткені туралы ақпарат беріп, таныстырылым жүргізді. Шетелдік тағылымдама аясында жоба тақырыбын ақылдасты. Қазіргі технология дамыған заманда балалардың құрылғыларға тәуелді болуынан физикалық белсенділіктері төмендеп, аурушаңдық көбейгендіктен, өзекті тақырып ретінде «Балабақша және спорт» тақырыбында жоба алатын болып келісті. Үштік одақ ретінде ата-аналармен тығыз байланыс орнатып, балалардың физикалық дағдыларын дамыту басты мақсат ретінде қойылды.