Ақпан айының 28 күні жобалық қызмет аясында ересек, мектепалды топ ата-аналары мен тәрбиеленушілері арасында "Әкем, анам және мен" тақырыбында эстафеталық жарыс өтті. Жарысты ұйымдастырушы дене шынықтыру нұсқаушысы Төлегенов А.Ғ. Жарысқа ата-аналар мен балалар өте белсенді қатысты. Жарыс қорытындысы бойынша 1 орынды "Бәйтерек" мектепалды топ иеленді.

Ақпан айының 27 күні балабақша әкімшілігі таңертең ата-аналар мен тәрбиеленушілерді алғыс айту күнімен құттықтап, бауырсақ пен тәттілер таратып, әсем әнмен күтіп алды. Ата-аналар ризашылықтарын білдіріп, жылы лебіздерін айтты.

"Бірыңғай өрт қауіпсіздігі" республикалық акциясына байланысты балабақшамыздың балаларына қауіпсіздік шаралары туралы түсіндіріліп, оқу-жаттығу ұйымдастырылды.

Польша тағылымдамасы негізінде жобалық қызмет бойынша воркшоп өтті. Балабақша әдіскері Адильханова А.Б. "Таза ауадағы ойындар" тақырыбында педагогтермен әр түрлі тапсырымалар бере отырып, қызықты ойын түрінде өткізді. 

Ашық есік күні-бұл ата-аналармен жұмыс жасаудың бір түрі, бұл оларға мектепке дейінгі білім беру мекемесімен, оның дәстүрлерімен, ережелерімен, оқу процесінің міндеттерімен танысуға мүмкіндік береді. Бұл іс – шараның мақсаты-ата-аналар мен педагогтер арасында сенімді қарым-қатынас орнату, балаларды бірлесіп тәрбиелеу міндеттерін анықтау және оларды жүзеге асыру.